裁縫
我諗大家都知道練裁縫係最賺錢 ge 技能，但係練裁縫就要成日不停咁 click mouse，click 來 click 去都係果幾個位，其實都幾煩... 所以我已經 set 左幾個 script，希望可以幫助大家輕輕鬆鬆咁就可以賺到錢...
練裁縫之前，一定要先考慮到你 ge 福緣有幾多，因為福緣直接影響成功率，所以正常來講一定係福緣有咁高做咁高，如果唔係的話，多多錢都唔夠用來升 LV，所以一基本裝備如: 木劍，草鞋，金鍊，結婚指環...等一定要有，而粗布因為只重８，所以都應該要穿... 等到有一定合成率之後，有錢賺 ge 情況下，先至好穿少一些裝備增加賺錢速度，或改穿一些加悟的裝備增加升級速度...
玉鐲 - (LV1 - LV9，材料=青銅ｘ３，完成品重量４)
做玉鐲比較平，重量又輕，雖然賺唔到錢，但係就可以好快咁升 LV，最岩剛開始練裁縫 ge 玩家快速升 LV，如果福緣同悟性唔係太低的話，兩三萬蚊，練兩三個鐘就可以升上 LV10，開始試做便捷短衣賺錢...ccc
負重計算方面，由於材料重３，完成品重４，所以要以完成品重量黎計，如負重係 54/190，咁 191-54=137，137/4=34.25，所以就一次過買 34 份料，即係 102 件青銅...
便捷短衣 - (LV10 - LV35，材料=羊皮皮革ｘ１+ 牛皮皮革ｘ１，完成品重６)
LV10 就可以試下做便捷短衣，但記得要做兩三轉，留意一下有冇錢賺先，剛開始做 ge 時候可能唔係次次有得賺，但係成功率高左之後，一轉就應該可以有幾千至一萬蚊收番...ccc
負重計算方面，由於材料重２，完成品重６，所以同玉鐲一樣，要以完成品重量黎計，如負重係 54/190，咁 191-54=137，137/6=22.83，所以就一次過買 22 份料，即係 11 件羊皮皮革加 11 件牛皮皮革...
粗布道袍 - (LV35 以上，材料=麻布ｘ３ + 鹿皮皮革ｘ６，完成品重８)
LV35 以後就可以試下做粗布道袍，但記得要做一兩轉，留意一下有冇錢賺先，如果只係打個和，就唔好做住，因為 LV40 時都有機會勁唔見錢，而粗布成本比較高，一個唔好彩的話，可以唔見你十皮野，要小心呀!! >_< 成功率高左之後，一轉就應該起碼賺一萬蚊以上，發達啦! ...ccc
負重計算方面，由於材料重９，完成品重８，所以同玉鐲便捷唔同，可以唔洗計住負重，賣爆料就得 ga la... 大家可以不停咁做，做到負重爆左，先至賣番出去...